Die begin van my Stemmet navorsing

Kom ek begin met die “basics”. Waar kom Stemmet vandaan? Die volgende inligting het ek in die Suid-Afrikaanse Geslagsregisters (12) gevind rakende die Stemmet’s. En, baie opgewondenheid vandag, dink ek het die Stemmet gevind waarvan ek afkomstig is (sien b9), nou net om terug te werk en kyk of dit regtig so is!

Stamvader:
Johannes Fredericus Stemmet van. Amsterdam, provinsie Holland, Nederland, glasmaker, gebore ongeveer 1760 en sterf 5 April 1830

* 26 Junie 1785: Johannes Fredericus Stemmet trou met Johann Helena Janse (onbekende afkoms)

* 15 Julie 1792: Johannes Fredericus Stemmet trou, vir die tweede keer, met Johanna Petronella Sadie (gedoop 29 Januarie 1769 en sterf 12 Augustus 1833)

Kinders uit Eerste huwelik:
b1 Johannes Fredericus:
* Gedoop in Kaapstad, 13 Augustus 1786.
b2 Susanna Dorothea:
* Gedoop op 27 Julie1788
* Trou in Kaapstad met Johannes Stephanus Malan op 16 Mei 1813.

Kinders uit Tweede huwelik:

b3      Maria Johanna Geertruyda:
* Gedoop 12 Mei1793
* Trou in Kaapstad met John Brown op 17 Februarie 1823.

b4       Anna Carolina Magdalena:
* Gebore op 28 September 1794 (nie seker of dit geboorte of doop datum is nie)

b5       Johannes Frederik:
*  Gedoop in Kaapstad, 25 Februarie 1798

b6       Jacobus Johannes:
* Gedoop in Kaapstad ,5 Januarie 1800

b7      Johan Wilhelm:
* Gedoop in Kaapstad, 18 Oktober1801
* Sterf in Rietvallei, in Montaqu Distrik, 30 Oktober 1886
* Trou in Swellendam met Martha Elizabeth Swanepoel op 4 Februarie 1827.

b8    Jacobus Johannes:
* Gedoop in Kaapstad,  13 Januarie 1805

b9  Adamus Paulus:
* Gebore in Kaapstad, 6 Augustus 1806
* Gedoop in Kaapstad, 24 Augustus 1806
* Sterf ongeveer in 1845
* Trou in Kaapstad met Barendina Elizabeth Magdalene Rykheer op 7 Maart 1830.

b10 Johan Albrecht:
* Gebore, 16 Januarie 1809 Kaapstad
* Gedoop 22 Januarie 1809
* Beroep: leerlooier
* Trou in Swellendam met Hester Johanna Swanepoel op 24 Julie 1843.

b11 Johanna Petronella:
* Gebore op 23 November 1810
* Gedoop in Kaapstad 2 Desember1810

(b = eerste generasie afstammeling)
(1 = eersgeborene, 2 = tweede gebore kind, ens)

Die fandamily

My familie blog kan ook gevolg word by: http://stemmet.beta.ancestry24.com/

Ek weet maar weinig min van die Stemmet’s af, maar kom ek begin wat ek weet van die Stemmet’s, dalk is daar iemand daar buite wat kan help om die “gaps” te vul.

Kom ons begin eers by my. My naam is Elizca Stemmet. Elizca is ‘n samestelling van Elizabeth Catariena. Ek het ook ‘n broer genaamd Paul Stemmet.

My moeder is Susanna Johanna Koegelenberg en is gebore in Piketberg. Haar ma en pa was onderskeidelik Elizabeth Catariena Brand en Johannes Christiaan Koegelenberg en het destyds geboer op Wapadsvlei, ‘n Swartland plaas geleë tussen Moorreesburg en Hopefield.

Maar ek sal graag meer wil weet van die Stemmet’s, was ons ooit deel van die Voortrekkers….en nog baie meer!

My pa is Nikolas Andries Spreeth Stemmet (Ek sal in latere blog vertel hoekom die naam Nikolas is en nie Nicolaas is nie) en is gebore in Montaqu. Sy ouers was Adamus Paulus Stemmet en sy ma was Hester Alleta de Waal Spreeth, en het destyds in Wellington gebly.. Hy het 2 pare tweelingsusters (volgens my lyk hulle al 4 dieselfde) en het ook ‘n ouer broer Adolf, ook bekend as Dolf. Toe my pa in sy twintigs was het sy ouers nog ‘n dogter, Pauline aangeneem.

Ok, so dit is ‘n kort opsomming van my familie, volgende blog sal ek die “skinderstorie” vertel hoekom my pa Nikolas heet en nie Nicolaas nie.

Tot volgende keer!