Tyd hardloop weg – opsomming

Waar vlieg die tyd heen? Ek kan nie glo ek het so lanklaas ietsie gepost nie. Dinge gaan deesdae woes by die werk en by die huis, en as mens weer sien is dit naweek, en as mens dan weer kyk is dit al Maandag.

Paar goedjies vandat ek laas geskryf het:

1. Ek het genoeg gehad van die Dr stakings. Ja, hulle werk in moeilike en halglike omstandigehede (maar so ook baie mense in ons land.) Ja hulle het hoë studieskuld, maar genoeg is genoeg en ek is bly hulle almal is weer terug by die werk, alhoewel daar nog gekla word oor die pakette. Maar op daardie nood…interns wat staak vir ‘n hoër salaris? The mind boggles.
2. Op daardie noot. Ek het vanoggend na Gareth Cliff op 5Fm geluister en ek moet heelhartig met hom saam saam stem. GENOEG IS GENOEG met al hierdie stakings. Elke week is daar iemand nuuts wat staak. Suid-Afrika is in ‘n resessie..werk IS skaars. En om ‘n werk te hê is nie ‘n reg nie maar ‘n voorreg!
3. Oja…en my moer lelik gestrip vir iemand wat die gesê het  “onnies is volop en elke aap kan een word.” of sy ander statement “Hoekom word ek nie ‘n onderwyser nie? Who trained the trainer is die vraag!! en dan nog my favourite aanhaling “Se asb vir hulle dat ek noem hulle ape. Those who cant do, teach. Those who cant teach become estate agents. Punt.” Net vir die rekord, die persoon wat dit als kwytgeraak het sit al vanaf November 2008 sonder werk…
   Nou van die wat my ken sal weet dat beide my onderwysers ouers was, en dank die vader hulle is uit die onderwys uit. Ek verstaan nou hoekom hulle altyd gesê het onderwysers word nie waardeer nie. En ek sal ook nie vir mense wou skool gee wat se opinie is dat enige aap kan skool gee nie..maar wag. Voor ek myself weer vererg…
4. Baie lekker “cool” en “funky” ontwikkelinge by http://www.nuwegeskiedenis.co.za en http://wiki.nuwegeskiedenis.co.za…watch this space!
5. Ook by http://www.willeklong.co.za moet julle ogie oor hou..weereens, watch this space.
6. My pa se bokser, Eva, bly die afgelope tyd by ons (saam met by 2 Basetts) en dinge gat woes daar. Beste voorbehoedmiddel EVA…die 3 honde is uitputtend!
7. Ek mis my maatjies, het julle al agter gekom dat die lewe soms weg hol met jou en jy kontak verloor met jou vriende, nie omdat jy wil nie, maar wees omstandighede. Soggens is jy by die werk as dit nog donker is en die res van die wêreld snooze en saans, by die tyd wat jy by die huis kom, is jy so moeg al wat jy wil doen is neerval. (Nie dat die 3 wilde wragtags by die huis dit toelaat nie.) Ek mis my maatjies ne moet ‘n daadwerklike poging aanwend om hulle meer te sien…

So, in kort, is dit ‘n opsomming wat die afgelope tyd deur my koppie (baie deurmekaar koppie) gegaan het!

Sjoe