Wiki haal die Weg

My navorsing en webwerf het self in 2010 op die Weg webwerf verskyn!

Weg

Oorspronklike artikel op die wiki.

Geskiedenis nie boring nie

Hier is nog ‘n artikel rakende my Geskiedenis Projek wat in Jip verskyn het in 2009

Klasgids Artikel

Hier onder is ‘n artikel wat ek vir die Klasgids bymekaar gesit het rakende my Geskiedenis Projek:

Skryf jou plaaslike geskiedenis soos dit gebeur

Na vele besoeke aan skole was dit duidelik dat daar nie genoeg navorsingsbronne vir leerders is rondom die nuwe geskiedenis van Suid-Afrika nie. Die uitgewer van die boek Nuwe Geskiedenis van Suid-Afrika / New History of South Africa (2007) onder redakteurskap van proff. Hermann Giliomee en Bernard Mbenga het twee web-inisiatiewe geloods wat aan hierdie behoefte voorsien.

• Die boek is nou in volledig soekbare formaat op die web beskikbaar by www.nuwegeskiedenis.co.za – die boek se inhoud word ook hier bygewerk deur kundiges met die oog op ‘n toekomstige hersiening daarvan.
• ‘n Webwerf in die vorm van ‘n wiki (wiki.nuwegeskiedenis.co.za) is geskep om aan alle Suid-Afrikaners die geleentheid te gee om die land se geskiedenis te (her)skryf.

Dit blyk ook uit gesprekke met leerders dat geskiedenis dikwels as vervelig gesien word. Die wiki gee leerders die geleentheid om interaktief betrokke te raak by geskiedenis deur:

• navorsing aanlyn te doen;
• eie geskrewe werk op die internet te laai en só meer genoegdoening te kry;
• aktief deel te neem aan die skryf van die geskiedenis van Suid-Afrika;
• terselftertyd Nuwe Tegnologie te leer en hul rekenaarvaardigheid uit te brei;
• en hulle taalvaardigheid te beoefen.

Voordele vir onderwysers sluit in:

• Die Nuwe Geskiedenis van Suid-Afrika boek wat gratis beskikbaar is aanlyn, en ten volle soekbaar. Dit is ‘n baie goeie navorsing bron vir onderwysers, wat hulle in die klasse kan bied vir leerders.
• In plaas van opstelle op papier wat uiteindelik weggegooi word, kan leerders gemotiveer word om goed-nagevorsde artikels te skryf wat in goeie geselsskap op die internet verskyn;
• Die wiki bied onderwysers die kans om geskiedenis meer interaktief en vermeng met “cool” tegnologie aan te bied.

Verdere moontlikhede:

• Laat die klas as span navorsing doen oor die dorp / voorstad / skool ens. se geskiedenis. Leerders kan onderhoude voer met beamptes, mense in huise vir bejaardes ens. Foto’s kan opgelaai word ter illustrasie.
• Take wat reeds deel uitmaak van die leerplan kan verpak word vir die wiki en deur die span opgelaai word. Verskillende individue kan vir verskillende komponente verantwoordelikheid neem, bv. navorsing, skryf, taalversorging.
• Laat ‘n kort video (sommer op ‘n selfoon indien nodig!) maak oor ‘n monument of geskiedkundige gebou / gebeurtenis in jou area en laai dit op.

Gereelde vrae wat gevra word:

Vraag: Hoekom die geskiedenis opteken? Is daar nie al genoeg boeke oor die onderwerp geskryf nie?

‘n Boek is ‘n statiese dokument, ‘n greep uit die geskiedenis soos gesien op daardie gegewe tydstip deur, in hierdie geval 32 redakteurs en medeskrywers. Die SA Geskiedenis Wiki-projek is ‘n poging om die geskiedenis van gister, maar ook soos dit vandag ontvou, op die web vas te lê vir die nageslag.

So is ‘n platform geskep wat alle Suid-Afrikaners (oud en jonk) kan gebruik om die geskiedenis op meer dinamiese wyse op te teken. Ons dek geskiedenis in die breedste sin en verwelkom spesifiek hiper-plaaslike brokkies soos die geskiedenis van ‘n dorp, skool, instansie, plaas of selfs familie.

Vraag: Wat maak die SA Geskiedenis-Wiki anders?

Die andersheid lê in die wiki-konsep. Gebaseer op die baie gewilde Wikipedia – ‘n digitale wêreld-ensiklopedie geskryf deur die breë publiek – is die doel van die SA Geskiedenis-Wiki om alle Suid-Afrikaners die geleentheid te gee om hul land se geskiedenis self by te werk. Onbeperkte ruimte word beskikbaar gestel om alle moontlike inligting op te laai en toe te laat dat die breë gemeenskap (die publiek, in teenstelling met ‘n handvol akademici) kollektief aan die skryf van die geskiedenis kan deelneem.

Ons wil leerders en die wyer publiek aanmoedig en uitnooi om die webruimte (http://wiki.nuwegeskiedenis.co.za) te besoek en oor enige onderwerp waarvan hulle iets weet, iets te skryf. Dit kan foto’s, videos en oudio-opnames insluit. Dit kan dalk net ‘n ou vergete  en vergeelde foto van oupagrootjie op die Vrystaatse slagveld wees rondom die draai van die vorige eeu, of ‘n meer onlangse video-opname van die familiesaamtrek op die historiese familieplaas met die Kaaps-Hollandse opstal in die agtergrond, of ‘n wit-en-swart skoolfoto van 40 jaar gelede waarop die jong, toekomstige president van Suid-Afrika in sy skooluniform verskyn.

Elke Suid-Afrikaner kan potensieel ‘n bydrae lewer om die grote tapisserie van die land se geskiedenis te weef.

Vraag: Hoe weet ek of my (familie) bydrae histories belangrik genoeg is om op te teken of dat dit vir ander mense belangrik is om te weet?

Daar is soveel gebeure en materiaal en mondelinge oorvertellings wat vir die nageslag verlore sal gaan as dit nie opgeteken word nie. Kyk maar wat David Kramer vir die nageslag versamel het met sy plattelandse musiek-inisiatiewe. Daar is soveel stories wat nog opgeteken moet word. Dit is die soort ambisies wat die Wiki-projek koester. ‘n Voorbeeld van so ‘n artikel is die geskiedenis van Limietrivier Plaas, ‘n mondelingse vertelling wat gedokumenteer en op wiki as artikel geplaas is.

Wiki-geskiedskrywing is dus ‘n baie dinamiese en opwindende omgewing waaraan elkeen kan deelneem.

Vraag: Julle is al enkele maande aan die gang. Het die mense al begin skryf?

Ons het in die eerste paar maande deur die gebruikspatrone op die Wiki agtergekom daar is ‘n groot behoefte by skole aan geskiedenisinhoud op die web, veral in Afrikaanse skole. Baie leerders besoek die boek-webruimte vir inligting, maar deesdae ook al meer die Wiki om inligting te bekom oor meer resente sake, soos bv. die Wêreldbeker-Sokkertoernooi, die Heropbou- en Ontwikkelingsbeleid, die Wieg van die Mensdom of die Tulbagh-aardbewing. Dis nie iets waaroor jy in amptelike geskiedenisboeke gaan lees nie. Daar is ‘n groot leemte in die mark en ons sal dit probeer vul met die hulp van die publiek.

Hoe nou gemaak?

Twitter, Facebook, Linkedin, Blogs en nog vele meer……………watter een om te kies of almal gebruik?! Is daar een beter as die ander?

Soos meeste van julle weet is ek die content manager van die (AWESOME) sites naamlik http://www.nuwegeskiedenis.co.za asook http://wiki.nuwegeskiedenis.co.za en ek is huidiglik besig om ‘n bemarkingsplan vir hierdie 2 sites op te stel, maar nie so “maklik” soos in die ou dae nie.

Destyds was dit maklik en eenvoudig om bemarkingsplanne op te stel want jy’t slegs gefokus op tradisionele bemarking, vandag kyk en na ‘n kombinasie van viral marketing, tradisionele bemarking en vele meer.

Maar met viral / socail online marketing, watse roete volg mens nou eintlik, want soms grens dit op spam, nie waar nie.  Ek gebruik ook bookmarking websites soos stumbleupon, delicious, laaikit en muti, wat goed werk vir my op hierdie stadium.

Google analytics is ‘n seën, want met al die tegnologie vandag en opsies wat mens het, is mens nie altyd seker watter roetes om te volg nie.

My geheim? Bestudeer google analytics in detail om te kyk waarvandaan meeste van my traffic kom en fokus op daardie sources.

Maar, en daar is ALTYD ‘n maar, hoe te werk gaan om ‘n gemeenskap op te bou op die wiki? Sien, die hele idee van my wiki is dat dat jy, die gebruiker dit run en adminstreer, maar waar om hierdie gemeenskap te source?

Ja, my websites kry uitstekende traffic, maar ek soek mense wat aktief deelneem op die wiki, en nie slegs artikels skryf nie, maar admin goedjies ook doen. Die gebruiker moet dit sien as selfveryken vir hom of haar self en om die publiek daar buite te educate.

Ek dink ons, wat gereeld heeldag op die internet sit is bevoorreg om met al hierdie tegnologie te werk en te kan verstaan, maar daar is soveel mense daar buite wat nie weet hoe ‘n wiki werk nie is dit nie ons beurt om hulle te educate nie?

Ek het ook altyd van geskiedenis gehou, en hoe meer ek deesdae met SA geskiedenis betrokke is, hoe meer kom ek agter hoe besonders ons land is. Die intriges wat deur die jare afgespeel het in ons land verbaas my en interriseer my, en hierdie inligting wil ek graag oordra aan jan alleman daarbuite.

Maar hoe om te werk te gaan om dit reg te kry?!